Anvan w soumèt pèman an pa lapòs, tanpri anvizaje lòt posibilite. Youn nan opsyon pèman elektwonik san danje, byen vit epi byen fasil nou ofri kapab bon pou ou. Si w chwazi poste pèman taks ou voye bay: Fè chèk, manda lajan, oubyen chèk kès sou non U.S. Treasury. Pran nòt souple: Pa poste lajan likid. Si w pito peye ak lajan nan pòch, voye je nan "Plis Enfòmasyon" ki ekri pi ba a. Antre montan an ak tout chif yo konsa ($###.##). Pa itilize agrafez oubyen klip pou atache pèman an ak fich pèman an ni ak deklarasyon an. Fè sèten enfòmasyon sa yo akonpaye chèk la oubyen lajan w voye a: Non w ak adrès ou Nimewo telefòn yo ka jwenn ou lajounen Nimewo Sekirite Sosyal ou (SSN k ap parèt anvan si se deklarasyon konjwent) oubyen nimewo idantifikasyon anplwayè Ane fiskal Fòm taks kòrespondan oubyen nimewo lèt avi Poste pèman w voye nan adrès ki figire sou lèt avi a oubyen enstriksyon, osinon konsilte tablo ki anba la a. Ki sitiyasyon pèman w? Pèman ak deklarasyon Ale non enstirksyon ki sou fòm ou an, oubyen chache adrès kòrèk selon eta a oubyen fòm nan. Ou te Resevwa yon notifikasyon Swiv enstriksyon pèman ki nan notifikasyon w resevwa a Peye sèlman (Moun ki te gentan deklare) Moun: Jwenn kote pou w voye rès pèman ou dwe yo (an anglè) Biznis: Demach yo ka varye selon diferan tip taks Aprann plis. Peye yon vèsman Swiv enstriksyon ki nan lèt avi w la, oubyen chache ki bò pou w voye rès pèman w dwe yo (an anglè). Avi pou Moun kap Peye Taks ak Chèk Lè ou peye ak yon chèk, ou otorize nou pou itilize enfòmasyon ki sou chèk ou a pou fè yon transfè lajan elektwonik yon sèl fwa soti sou kont ou oswa pou fè pèman an tankou yon tranzaksyon chèk. Lè nou itilize enfòmasyon ki sou chèk ou a pou n fè yon transfè lajan elektwonik, lajan an kapab soti sou kont ou a imedyatman nan menm jou nou resevwa pèman w lan, epi ou pap retounen resevwa chèk ou a ankò nan men enstitisyon finans ou an. Pi gwo pèman Nou p ap ka aksepte yon chèk ou byen yon manda lajan $100 milyon dola ou plis. Ou ka peye plizyè fwa ou byen fè pèman elektwonik jou pou jou (an anglè). Plis enfòmasyon Si w chwazi peye ak lajan nan pòch, pase pa yon patnè detayan oubyen chache konnen si y ap aksepte pèman nan pòch nan yon biwo IRS ki tou pre w. Fòrm 1040-V Fich Pèman ak Enstriksyon (an anglè) PDF Konprann Notifikasyon oubyen Lèt IRS Ou Resevwa Fason pou w Peye Lamenm Direct Pay (Pèman Dirèk) pa mwayen kont bankè Peye Enpo ou ak Kat Debi oswa Kredi oswa Bous Dijital Tèm sou Pèman Konprann Avi oswa Lèt IRS Ou an Peman elektwonik etranje – Kòd pou kalite enpo yo Peman elektwonik frè itilizatè yo (an anglè) EFTPS: Sistèm Elektwonik pou Pèman Taks Federal Kite N Ede W Konprann Avi oswa Lèt IRS Ou an Tejechaje Fòm yo (an anglè)
