Jwenn yon nimewo idantifikasyon Anplwayè

Sèvi ak zouti sa a pou jwenn yon EIN gratis, dirèkteman nan IRS nan kèk minit. Reponn kesyon yo, epi soumèt aplikasyon an. Si li apwouve, nou pral bay EIN ou an touswit sou Entènèt.

Pran prekosyon nou ak sit entènèt ki fè w peye pou yon EIN. Ou pa dwe janm oblije peye yon frè pou yon EIN.

Ki jan sa fèt

Ranpli aplikasyon an nan yon sèl sesyon. Ou pa ka sere li pou pita.
Li ekspire apre 15 minit inaktivite, epi w ap bezwen rekòmanse.
Enprime lèt konfimasyon EIN ou an pou dosye w yo.

Ki moun ki ka sèvi ak zouti sa a

Sèvi ak sa a si:

Kote prensipal biznis ou a se Ozetazini oswa nan teritwa posesyon U.S.
Ou se pati responsab (an anglè) ki kontwole antite a oswa reprezantan otorize li (an anglè).
Ou gen nimewo Sekirite Sosyal pati responsab la oswa nimewo idantite kontribyab endividyèl (ITIN).

Ou pa ka sèvi ak sa a:

Si lokal prensipal biznis ou an andeyò peyi Etazini. Aplike pa telefòn, faks oswa lapòs.
Pou aplike ak yon EIN. Se sèlman antite gouvènman yo ki ka aplike avèk yon EIN.

Sa ou bezwen

Kalite antite biznis ou an.
Nimewo Sekirite Sosyal oswa nimewo ID kontribyab pati responsab (an anglè) ki anchaj biznis la oswa òganizasyon an.
Si w se yon tyès pati deziyen (an anglè), ou dwe gen otorizasyon ki siyen pou w aplike.

Jwenn yon EIN

Jwenn EIN ou dirèkteman nan IRS la nan kèk minit.

Aplike pou yon EIN (an angè)

Disponibilite

Zouti sa a disponib Lendi rive vandredi, 7 am jiska 10 pm ET.

Limit chak jou

Ou ka aplike pou sèlman 1 EIN pou chak pati responsab pa jou.

Lè pou jwenn yon EIN

Si w ap fòme yon antite legal (LLC, patenarya, sosyete oswa òganizasyon ki egzante de enpo), fòme antite ou atravè eta ou (an anglè) anvan ou aplike pou yon EIN. Si w pa fòme antite w la nan eta w la an premye, aplikasyon EIN ou a ka an gen reta.

Biznis, òganizasyon ak kèk fidisi (trust) retrèt bezwen yon EIN pou jere enpo yo.

Anjeneral ou bezwen yon EIN pou:

Anboche anplwaye
Opere yon patenarya oswa yon sosyete
Peye enpo lavant ak enpo dwa dasiz
Chanje estrikti biznis oswa pwopriyetè
Administre sèten fidisi (trusts), plan retrèt ak byen imobilye yo

Depi w resevwa yon EIN, ou dwe ranpli deklarasyon enpo (an anglè) oswa enfòmasyon obligatwa yo (an anglè).

Si w genyen yon EIN ki egziste deja, gade ki lè pou w jwenn yon nouvo EIN (an anglè).

Lòt fason pou aplike

Si ou pa kapab aplike sou entènèt, chèche konnen kijan pou aplike pa telefòn, faks oswa lapòs.

Rapòte pwopriyetè benefisyè yo bay FinCEN lè sa nesesè

Ou ka oblije rapòte sèten enfòmasyon sou pwopriyetè benefisyè ou yo bay Rezo Ranfòsman Krim Finansye (FinCEN) Depatman Trezò Ameriken an. Sèten kalite kòporasyon, konpayi responsablite limite, ak lòt antite menm jan ki kreye oswa ki anrejistre pou fè biznis Ozetazini dwe rapòte enfòmasyon sou pwopriyetè benefisyè yo—moun ki finalman posede oswa kontwole konpayi an—bay FinCEN apati 1ye Janvye 2024.

Si w se yon konpayi ki oblije rapòte, rapò inisyal enfòmasyon sou benefisyè a baze sou dat konpayi ou a resevwa avi aktyèl kreyasyon li, oswa enskripsyon li an aktif, oswa apre yon sekretè deta oswa biwo menm jan an bay premye avi piblik sou kreyasyon li oswa enskripsyon, kèlkeswa sa ki pi bonè a.

Kesyon tankou èske konpayi mwen an ap oblije rapòte enfòmasyon sou pwopriyetè benefisyè bay FinCEN, ki moun ki se yon pwopriyetè benefisyè, ak ki lè mwen bezwen rapòte enfòmasyon sou pwopriyetè benefisyè konpayi mwen an yo jwenn sou sit entènèt FinCEN a (an anglè).

Paj enfòmasyon sou pwopriyetè benefisyè FinCEN yo bay: