Konsèy Taks IRS 2021-156, 21 Oktòb 2021 Sovgad prelèvman (an anglè) asire li si yo peye gouvènman an bon montan taks sou kalite peman espesifik yo deklare nan yon seri Fòm 1099 ak W-2G. Men kèk fè sou sovgad prelèvman. Sovgad prelèvman an obligatwa sou yon seri montan ki pa pewòl lè gen yon seri kondisyon ki nesesè. Moun k ap bay resipyandè yo peman sa yo pa fè prelèvman taks jeneralman, epi resipyandè yo deklare ak peye taks sou revni sa a lè yo depoze deklarasyon taks federal yo. Men, genyen sitiyasyon kote resipyandè a genyen obligasyon pou li fè prelèvamn yon seri pousantaj taks pou li rasire li si IRS la resevwa taks li dwe li a sou revni sa a. Sovgad prelèvman an fèt ak yon pousantaj ki fiks. Pousantaj aktyèl la se 24 pousan. Peman ki soumèt anba sovgad prelèvman yo se: Peman agrikilti yo Onorè avoka yo ak pwodui brit yo peye avoka yo Echanj twòk yo Komisyon, frè oswa lòt peman pou travay ki fèt antanke yon kontraktyèl endepandan Dividann yo Benefis nan jwèt lajan, si li pa soumèt anba prelèvman sou jwèt lajan Peman enterè yo Premye rediksyon ki bay Dividann patwonaj, men se sèlman mwatye peman an se lajan Tranzaksyon ak kat peman ak rezo pati tyès yo Peman ak negosyasyon yo Peman operatè bato pèch yo, men se sèlman pati ki peye ak vrè lajan an epi ki reprezante yon pati nan pwosesis pèch la Lwaye, pwofi, ak lòt benefis yo Peman redevans yo Sibvansyon ki taksab yo Egzanp kote kontribyab la dwe fè dediksyon sovgad prelèvman an: Si yon resipyandè pa bay moun k ap peye a yon Nimewo Idantifikasyon Kontribyab (TIN) nan moman peman ki ka deklare a fèt, oswa resipyandè a bay moun k ap peye a yon TIN ki envalid. Yon TIN idantifye resipyandè a nan yon mannyè espesifik. TINs yo se Nimewo Sekirite Sosyal yo, Nimewo Idantifikasyon Anplwayè yo, Nimewo Idantifikasyon Kontribyab Pèsonbèl yo ak Nimewo Idantifikasyon Kontribyab pou Adopsyon yo. Yon TIN ki envalid se yon TIN ki genyen mwens pase nèf (9) chif, oswa ki genyen karaktè ki pa nimerik yo. Si IRS la te fè moun k ap peye a konnen resipyandè a te bay yon TIN ki pa koresponn ak non yo nan achiv IRS yo, epi moun k ap peye a pa sekirize TIN kòrèk resipyandè a. Resipyandè yo ta dwe rasire li moun k ap peye yo genyen non ak TIN ki kòrèk la pou evite sovgad prelèvman. Si IRS la fè moun k ap peye a konnen resipyandè a revni ki pa deklare sou enterè yio ak dividann yo. Responsabilite moun k ap peye a pou sovgad prelèvman an: Si yon peman te soumèt anba sovgad prelèvman, men moun k ap peye a pa t dedui sovgad prelèvman jan yo mande sa, sou peman an, moun k ap peye a vin responsab pou peye taks la. Enfòmasyon anplis: Pwogram "B" Sovgad Prelèvman an (an anglè) Piblikatsyon 1281, Sovgad Prelèvman pou Non oswa TIN ki Manke oswa ki pa Kòrèk yo (an anglè) PDF Abòne nan Konsèy Taks IRS yo (an anglè)
