Penalite sou Peman Enpo Estime ki pa sifi Patikilye yo fè

Enpo yo peye-jan-ou-ale. Sa vle di ke ou bezwen peye pi fò nan enpo ou pandan ane a, jan ou resevwa revni, olye ke ou peye nan fen ane a. Penalite sou Peman Enpo Estime ki pa sifi patikilye yo fè a aplike pou patikilye yo, imobilye ak fideyikomi (trust) ki pa peye ase enpo estime sou revni yo oswa yo peye l ta.

Gen de fason pou peye enpo:

• Retni nan peman ou, pansyon ou oswa sèten peman gouvènman an, tankou Sekirite Sosyal.
• Fè estimasyon peman enpo yo chak trimès pandan ane a. Estimasyon peman enpo yo dwe jeneralman jan sa a:
  • 1ye Janvye rive 31 Mas – 15 Avril
  • 1ye Avril rive 31 Me – 15 Jen
  • 1ye Jen rive 31 out - 15 Septanm
  • 1ye Septanm rive 31 Desanm – 15 Janvye ane kap vini

Kòman Ou Konnen W Dwe Penalite a

Nou voye yon notifikasyon ba ou si w dwe Penalite sou Peman Enpo Estime ki pa sifi Patikilye yo fè. Pou plis enfòmasyon, gade Konprann notifikasyon oswa lèt IRS ou a.

Kòman nou kalkile penalite a

Nou kalkile montan Penalite sou Peman Enpo Estime ki pa Sifi Penalite Patikilye yo dapre enpo ki afiche nan deklarasyon orijinal ou a oswa sou yon deklarasyon ki pi resan ke ou te depoze nan dat delè a oubyen anvan. Enpo ki make nan deklarasyon an se enpo total ou a mwens total kredi ranbousab ou yo.

Nou kalkile penalite a selon:

• Montan peman ki pa sifi a
• Peryòd tan lè peman an te ekspire a epi li pa t ko peye a
• Piblikasyon to enterè pou peman ki pa sifi nou pibliye chak trimès

Enterè sou yon Penalite

Nou touche enterè sou penalite yo.

Dat nou kòmanse ajoute enterè varye dapre kalite penalite a. Enterè yo ogmante kantite lajan ou dwe a jiskaske ou peye balans ou an plen. Pou plis enfòmasyon sou enterè nou touche sou penalite yo, gade Enterè.

Peye yon penalite

Fè yon peman an plen atan pou anpeche penalite ak enterè yo anpile.

Ou ka kreye oswa jwenn aksè nan kont IRS ou a pou wè balans ou dwe, fè ak wè peman (ki gen ladan peman estime), kreye plan peman, epi gade dosye enpo ki gen ladan telechaje transkripsyon  ak done kle nan dènye deklarasyon enpo ou te ranpli.

Retire oswa Diminye yon Penalite

Nou konprann sikonstans—tankou yon maladi grav oswa blesi, lanmò yon manm fanmi an, oswa sikonstans menm jan an ou pa ka kontwòle—ka rann li difisil pou ou ranpli obligasyon peman enpo estime ou nan delè ki apwopriye. Byenke penalite sou peman enpo estime ki pa sifi pa ka anile pou yon kòz rezonab, penalite a ka retire oswa redwi si anba peman an se rezilta yon aksidan, dezas lokal, oswa lòt sikonstans etranj lè li pa ta jis pou enpoze penalite a. Si ou panse ou kalifye pou yon egzansyon nan penalite jan sa eksplike pi wo a, tanpri voye eksplikasyon w alekri, ki siyen anba penalite pou fo temwayaj, ba nou nan adrès ki anlè a nan avi ou a.

Anplis de sa, nou ka diminye yon penalite si youn nan sa yo aplike:

• Ou menm oswa patenè ou (si nou fè yon deklarasyon konjwen) pran retrèt nan 2 dènye ane yo aprè ou fin rive nan laj 62 lane oswa vin andikape epi ou te genyen yon koz rezonab pou pèman ki pa sifi oswa peye enpo estime ou yo anreta. Gade renonsyasyon penalite a nan Enstriksyon pou Fòm 2210 (an anglè) PDF.
• Pifò enpo ou yo te prelve nan kòmansman ane a olye pou yo te pataje egal pandan tout ane a. Ranpli Fòm 2210, Peman Enpo Estime ki pa sifi Patikilye yo, Imobilye, ak Fideyikomi (Trust) yo fè (an anglè).
• Revni ou varye pandan ane a. Ranpli Fòm 2210, Anèks AI, Metòd Vèsman Revni Anyèl (an anglè) PDF (jwenn nan fòmilè a).

Si ou panse ou kalifye pou yo leve penalite a nan kad youn nan rezon nou site anlè a, tanpri, voye rezon an ba nou alekri, ki siyen sou penalite fo temwayaj, nan adrès ki nan tèt avi sa a.

Diskite yon penalite

Si ou pa gen dwa a eliminasyon oswa diminisyon penalite a nou ka konsidere fè yon ajisteman si nou te enpoze penalite a apre ou te apiye sou konsèy alekri ki pa kòrèk nou te ba ou a.

Verifye si ou reponn ak kritè sa yo:

• Konsèy alekri nou te ba ou a te an repons dirèk a demann konsèy alekri ou a
• Konsèy alekri ki pa kòrèk nou te ba ou yo pat rezilta omisyon materyèl oswa enfòmasyon ki gen erè nan demann konsèy alekri ou a
• Ou te fè konsèy alekri nou yo konfyans avèk rezon epi ou te penalize dapre konsèy sa yo

Si ou panse ou reponn ak kritè sa yo, voye yon deklarasyon ki siyen sou penalite fo temwayaj ki dekri kijan konsèy alekri ki gen erè nou yo te lakòz penalite a. Mete yon kopi demann konsèy alekri ou te voye pou nou yo ak repons alekri nou an. Voye deklarasyon orijinal lan avèk dokiman sipò yo nan adrès ki sou avi penalite a. Sere yon kopi dokiman ou voye pou nou yo.

Lè ou siyen yon deklarasyon sou penalite fo temwanyaj, ou kapab rekonèt koupab pou yon krim si ou bay manti nan deklarasyon w lan ak volonte w.

Evite yon Penalite

Ou kapab evite Penalite pou Pèman Enpo Estime ki pa sifi Patikilye yo fè si:

• Deklarasyon enpo ou fè a montre ou dwe mwens pase 1,000 $ oswa
• Ou te peye omwen 90% nan enpo ki make sou deklarasyon ane taksab la oswa 100% enpo ki make sou deklarasyon ane anvan an, selon sa ki pi piti a. Si revni brit ajiste ou (AGI) pou ane 2023 a te plis pase $150 000 ($75 000 si estati w pou 2024 la se yon moun ki marye ki ranpli separe), ranplase 110% pou 100%.

IRS ankouraje kontribyab yo tcheke opsyon yo pou evite penalite sa yo.

• Tcheke retansyon w la souvan epi ajiste li lè sitiyasyon w chanje. Pou fè sa ranpli yon nouvo Fòm W-4 epi bay anplwayè w la. Estimatè enpo retenu a se yon zouti itil.
• Estimasyon enpo se metòd yo itilize pou peye enpo sou revni ki pa sijè a retenu (pa egzanp, salè nan travay endepandan, enterè, dividann, pri lwaye, manje, elatriye). Sèvi ak Fòm 1040-ES pou kalkile ak peye enpo estime alè.

Règ espesyal pou kiltivatè yo ak pechè yo

Patikilye, imobilye, ak fideyikomi (trusts) ki genyen pou pi piti detyè (2/3) nan revni brit anyèl yo ki soti nan agrikilti oswa lapèch pou ane fiskal aktyèl la oswa ki sot pase a, ranpli Fòm 2210-F, Pèman Enpo Estime ki pa sifi Kiltivatè yo ak Pechè yo (an anglè) pou ou wè si ou dwe yon penalite pou mank pèman enpo estime.

Kiltivatè ak pechè ki kalifye yo ka evite fè peman enpo estime lè yo ranpli epi peye tout enpo yo dwe nan dat 1ye Mas oswa anvan. Sila yo ki chwazi pa ranpli anvan 1ye Mas ta dwe fè yon peman enpo estime anvan 15 janvye pou evite yon penalite sou enpo estime. Peman anyèl obligatwa a se pi piti a nan:

• detyè (66.67%) nan enpo yo a,
• oswa 100% nan enpo ki make nan deklarasyon pou ane anvan, selon sa ki pi piti a.

Aplike pou yon Plan Pèman

Si ou pa kapab peye tout kantite enpo ou yo atan, peye sa ou kapab kounya epi aplike pou yon plan pèman. Ou kapab diminye pwochen penalite yo avèk yon plan pèman.

Jwenn Èd

Pou jwenn èd konsènan yon penalite, rele nimewo telefòn ki sou avi oswa lèt ou a. Si ou pa te resevwa lèt oswa avi, itilize asistans telefonik.

Lalwa ak Règleman yo

• Yon Patikilye ki pa arive Peye Enpo Estime sou Revni — Kòd Revni Entèn § 6654 (an anglè)
• Adisyon sou Enpo pou yon Patikilye — Enpo Estime — Kòd 26 Règleman Federal § 1.6654-1 (an anglè)
• Eksepsyon nan Obligasyon pou Penalite sou Pèman Enpo Estime ki pa sifi — Patikilye yo — Kòd 26 nan Règleman Federal § 1.6654-2 (an anglè)