Konsèy sou taks pou COVID 2021-94, May 30, 2021 Yon pastan se yon aktivite yon moun ap fè paske li jwenn amizman ladan epi san li pa gen entansyon tire pwofi ladan. Sa a diferan parapò ak sa yo k ap fè yon biznis fonksyone avèk entansyon pou fè pwofi. Pou detèmine si aktivite yo a se biznis oswa pastan, kontribyab yo dwe konsidere nèf (9) faktè. Faktè sa yo se: Si aktivite ap fèt nan yon mannyè pou fè biznis epi kontribyab la kenbe bon liv ak done ki konplè. Si tan ak efò kontibayb la mete nan aktivite a montre li gen entansyon tire pwofi ladan. Si yo depann de revni ki antre apati aktivite a pou yo viv. Si gen pèt ki fèt akoz sikonstans ki pa depann de volonte kontribyab la oswa se nòmal nan faz demaraj biznis l ap fè a. Si yo chanje mannyè yo fonksyone pou fè pwofi a pi gwo. Si kontribyab la ak konseye li yo genyen konesans nesesè pou fè aktivite a vin yon gwo biznis. Si kontribyab la te reyisi fè pwofi nan menm kalite aktivite yo nan lane ki pase yo. Si aktivite a fè pwofi nan kèk ane epi konbyen pwofi li fè. Si kontribyab yo ka atann y ap fè yon lòt pwofi apati jan yo apresye aktif yo itilize nan aktivite a. Tout faktè yo, fè yo ak sikonstans yo ki gen rapò ak aktivite a dwe konsidere. Epi, pa gen yon faktè ki pi enpòtan pase lòt. Si yon kontribyab resevwa yon revni apati yon aktivite y ap fè san yo pa t gen entansyon tire yon pwofi ladan, yo dwe deklare revni yo resevwa a nan Anèks 1, Fòm 1040, liy 8 (an anglè) PDF. Plis enfòmasyon: Piblikasyon 17, Enpo sou Revni Federal Ou (an anglè) Piblikasyon 525, Revni ki gen Taks sou li ak Revni ki Pa Gen Taks sou li (an anglè) Piblikasyon 535, Depans Biznis (an anglè) Piblikasyon 334, Gid Fiskal pou Ti Biznis (Pou Endividi Ki Itilize Anèks C) (an anglè) (an anglè) Abòne nan Konsèy sou Taks IRS yo (an anglè)
