Ajans koleksyon prive yo Lalwa egzije IRS itilize konpayi prive pou kolekte sèten dèt enpo ki inaktif (an anglè). Depi dat 23 septanm 2021 an, lè IRS te asiye kont ou an bay yon ajans koleksyon prive, youn nan twa ajans sa yo gen pou kontakte w an favè govènman an: CBE Group Inc. (an anglè) P.O. Box 2217 Waterloo, IA 50704 800-910-5837 Coast Professional, Inc. (an anglè) P.O. Box 425 Geneseo, NY 14454 888-928-0510 ConServe (an anglè) P.O. Box 307 Fairport, NY 14450 844-853-4875 Ki jan sa pral fèt Anvan yon ajans koleksyon prive kontakte w, w ap resevwa de (2) lèt. IRS ap voye premye lèt la ki se Avi CP40 (an anglè) ak Piblikasyon 4518 (an anglè) PDF. Korespondans lan ap fè w konnen yo te asiyen kont enpo w la ki anreta a bay yon ajans koleksyon prive. Ajan koleksyon prive a pral voye yon premye lèt pou kontakte w. Lèt la ap gen enfòmasyon ladan l sou fason pou w regle enpo w yo ki anreta a. Toulede lèt yo gen yon nimewo validasyon kontribyab ladan yo. Yo itilize l pou konfime idantite w. Nou itilize l tou pou verifye moun ki rele a lejitim (an anglè). Konsève nimewo sa a yon bon kote. Sa pou w fè Travay avèk ajans koleksyon prive yo asiyen w lan pou regle enpo w yo ki anreta a. Gade dosye enpo w pou verifye yo asiyen kont ou an bay yon ajans koleksyon prive Kijan pou w konnen si ajans koleksyon prive ki rele w la lejitim (an anglè) Opsyon pou w fè peman Kesyon ak repons (an anglè) Rapòte fwod, gaspiyaj, ak abi (an anglè) Fè atansyon ak magouy Sa w ka atann apre w fin resevwa yon avi Ou dwe valide moun ki rele a reprezante youn nan ajans koleksyon prive ki anwo yo. Ajans koleksyon prive a ap poze w yon seri kesyon pou yo verifye y ap pale ak bon moun nan. Youn ap bay lòt kèk pati nan Nimewo Validasyon Kontribyab la, pou n verifye idantite youn lòt. Ajans koleksyon prive a ap trete w avèk koutwazi, yon fason pwofesyonèl e y ap respekte dwa kontribyab yo, toutpandan y ap obeyi lalwa (an anglè). Ajans koleksyon prive a ap travay avèk ou pou regle enpo w yo ki anreta a. Yo PAP menase w. Si w santi ajans koleksyon prive a aji yon fason ki pa apwopriye, men kijan pou w rapòte sa (an anglè).
