Konsèy taks IRS 2022-42, 17 mas 2022 Kontribyab yo ta dwe fè deklarasyon taks yo nan dat limit lan menm si yo pa kapab peye tout bòdwo taks yo. Kontribyab ki dwe taks epi ki pa fè deklarasyon alè gendwa gen obligasyon pou peye yon penalite poutèt yo pa fè deklarasyon. Nòmalman, penalite sa a se senk (5) pousan nan montan taks li dwe a pou chak mwa, oswa yon pati nan yon mwa kote deklarasyon taks la an reta a, jiska 25%. Si yon kontribyab endividyèl dwe taks, men li pa ka peye tout nan dat limit 18 avril 2022 a, li ta dwe: Fè yon deklarasyon taks oswa mande yon ekstansyon tan pou fè deklarasyon nan dat limit 18 avril la. Moun ki dwe taks epi ki pa fè deklarasyon yo alè oswa ki pa mande yon ekstansyon gendwa gen obligasyon pou peye yon penalite poutèt yo pa fè deklarasyon yo alè. Kontribyab yo dwe sonje yon ekstansyon tan pou fè deklarasyon pa yon ekstansyon delè pou peye. Yon ekstansyon bay kontribyab yo jiska 17 oktòb 2022, pou yo fè deklarasyon taks 2021 yo, men dèt taks yo toujou la e yo sipoze peye jiska18 avril 2022. Pou jwenn yon pwolongasyon pou fè deklarasyon, kontribyab yo dwe fè youn nan bagay sa yo: Jwenn yon pwofesyonèl taks, oswa itilize yon lojisyèl taks pou ranpli Fòm 4868 (an anglè) lan, oswa itilize Deklarasyon Gratis la sou sit IRS.gov la. Fè yon pèman elektwonik ak Pèman Dirèk , Sistèm Elektwonik Pèman Taks Federal oswa ak kat debi, kat kredi oswa bous dijital epi chwazi Fòm 4868 oswa ekstansyon pou tip pèman an. Fè tout sa ki posib, nan mezi sa posib pou peye nan avan dat limit 18 avril la. Kèlkeswa kontribyab la ap fè yon deklarasyon oswa mande yon ekstansyon, li sipoze peye taks yo an antye nan dat limit avril la pou evite peye enterè ak penalite. Moun ki pa peye taks yo alè ap oblije peye penalite poutèt yo pa peye alè. IRS gen opsyon pou kontribyab ki pa gen mwayen pou peye taks (an anglè) yo dwe yo. Mete yon plan pèman sou pye pi vit posib. Kontribyab yo ki dwe men ki pa kapab peye tout dèt la anvan 18 avril pa oblije tann yon bòdwo taks pou mete yon plan peman sou pye. Yo ka aplike pou yon plan pèman sou sit IRS.gov la. Kontribyab yo kapab itilize Fòm 9465, Demann Akò Vèsman (an anglè) pou soumèt yon demann plan pèman Enterè yo baze sou kantite taks ou dwe epi pou chak jou li pa peye okonplè. To enterè yo detèmine chak twa mwa epi yo ka varye, selon kalite taks yo; pa egzanp, responsablite endividyèl oswa biznis-taks. Gen plis enfòmasyon ki disponib sou paj Enterè sou Pèman ki Pa Ase yo ak Peman Anplis yo sou sit IRS.gov la. Plis enfòmasyon: Ki Dat Limit Deklarasyon Taks Federal Mwen an ye oswa Èske Mwen Kalifye pou Mande yon Pwolongasyon (an anglè)? Sijè Taks 653, Avi ak Fakti IRS, Penalite, ak Enterè (an angle) Abòne ak Konsèy Fiskal IRS yo (an angle)
