Konsèy enpo IRS 2024-88, 7 Novanm 2024 Magouyè yo souvan mete fo òganizasyon charitab pou pran avantaj de jenerozite moun yo pandan dezas natirèl yo ak lòt evènman trajik. Kontribyab yo ta dwe sèvi ak Zouti Rechèch Òganizasyon ki Egzante Enpo (an anglè) pou tcheke ke yon òganizasyon lejitim anvan yo bay lajan. Konsèy pou bay don an sekirite Swiv konsèy sa yo anvan ou fè yon don charitab: Toujou verifye. Magouyè yo sèvi ak non ki sonen tankou òganizasyon charitab byen koni pou konfonn moun. Pwomotè fo charite yo ka itilize imèl, fo sit entènèt, oswa idantite moun k ap rele ki chanje oswa "falsifye" pou fè li sanble yon òganizasyon charitab reyèl kap rele pou mande don. Donatè potansyèl yo ta dwe mande mounn kap fè maraton an pou non charite a, sit entènèt ak adrès postal pou yo ka poukont yo konfime enfòmasyon an. Sèvi ak Zouti Rechèch Òganizasyon ki Egzante Enpo (an anglè) pou verifye si yon òganizasyon se yon òganizasyon charitab lejitim ki egzante enpo. Fè atansyon sou fason yo mande yon don. Pa janm travay ak òganizasyon charitab ki mande don nan bay nimewo ki soti nan yon kat kado oswa nan lajan viman bank. Sa se yon magouy. Li pi an sekirite pou peye pa kat kredi oswa chèk - epi sèlman apre yo fin verifye charite a reyèl. Pa pataje twòp enfòmasyon. Magouyè yo ap veye tou de lajan ak enfòmasyon pèsonèl. Pa janm bay nimewo Sekirite Sosyal, nimewo kat kredi, nimewo idantifikasyon pèsonèl oswa modpas. Pa bay presyon. Magouyè yo souvan fè presyon sou moun pou yo fè yon peman imedya. Kontrèman, òganizasyon charitab lejitim yo ki kontan jwenn yon don nenpòt ki lè. Donatè yo pa ta dwe santi yo prese. Kontribyab yo ki rankontre yon òganizasyon charitab fo oswa sispèk ta dwe al gade resous FBI yo sou charite ak fwod dezas (an anglè). Reklamasyon yon dediksyon. Kontribyab yo ki bay lajan oswa byen bay yon òganizasyon charitab ka reklame yon dediksyon si yo detaye dediksyon an, men don sa yo konte sèlman si yo ale nan yon òganizasyon kalifye ki egzante enpo ke IRS rekonèt. Plis enfòmasyon Sant Nasyonal pou Fwod Dezas (an anglè) DisasterAssistance.gov (an anglè) Douzèn Delwayal (an anglè) Abònman nan Konsèy enpo IRS (an anglè)
