Konsèy Enpo IRS 2024-92, 5 Desanm 2024 Pandan nevyèm ane Semèn Konsyantizasyon Sekirite Enpo Nasyonal la (an anglè), IRS ak patnè Somè Sekirite li yo vle ede kontribyab yo rekonèt èskwokri enpo ak fwòd pou kenbe enfòmasyon yo an sekirite epi lwen vòlè idantite ak magouyè yo. Lè yo swiv konsèy sa yo, kontribyab yo ka diminye risk pou yo pèdi idantite yo, lajan oswa kont bay kriminèl yo. Toujou pwoteje done pèsonèl yo Si yon moun ap mande enfòmasyon pèsonèl yon kontribyab – dat nesans li, laj, adrès, nimewo Sekirite Sosyal oswa enfòmasyon sou kont bankè li – kontribyab la ta dwe pridan. Mande poukisa yo bezwen enfòmasyon sa yo epi sèlman bay sa ki absoliman nesesè. Se yon bon pratik tou pou pa reponn imel, voye mesaj tèks oswa lòt demann men pito chèche sit entènèt moun ki fè demann lan oswa kontakte yo dirèkteman. Achte nan men revandè ki gen bon repitasyon Lè w ap achte sou entènèt, kontribyab yo ta dwe konfime yo sou sitwèb yon revandè ki gen bon repitasyon, ki an sekirite, epi evite sit ki gen sètifika dijital ki pa valab. Pa sipoze yon adrès entènèt lejitim jis paske li gen ladann l "https." Kriminèl yo ka achte sètifika sekirite ki valab epi tache yo sou sit entènèt fwòd. Sèvi ak lojisyèl sekirite IRS ankouraje kontribyab yo pou yo pran tan pou asire tout manm fanmi yo gen pwoteksyon konplè anti-viris pou aparèy dijital yo, sitou sou aparèy yo pataje. Lè yon kontribyab estoke fichye sansib - tankou dosye enpo - sou yon aparèy dijital, yo ta dwe fè backòp ak ankripte dosye sa yo pou plis pwoteksyon. Chwazi modpas solid epi pèmèt otantifikasyon de faktè Sèvi ak modpas solid, inik pou chak kont epi pèmèt otantifikasyon de faktè lè sa posib. Sonje pa janm re-itilize modpas pou kont sou entènèt epi pa janm pataje modpas ak pèsonn. Konnen risk Wi-Fi piblik Konekte ak Wi-Fi piblik se yon bagay ki pratik e souvan gratis, men li ka pa an sekirite. Kriminèl yo ka fasilman vòlè enfòmasyon pèsonèl nan rezo sa yo. Moun yo ta dwe toujou pran prekosyon epi sèvi ak yon rezo prive vityèl lè yo konekte ak Wi-Fi piblik. Ou dwe okouran de kont ki konpwomèt Yon fwa yon kriminèl pirate yon imèl oswa kont medya sosyal, yo ka eseye twonpe moun ki nan lis kontak viktim nan lè yo pran pòz yo se viktim nan. Tout moun ta dwe sispèk demann oswa mesaj ki pa nòmal, menm lè kont lan se pou yon zanmi, yon kòlèg oswa yon manm fanmi. Aji vit si yo vòlè idantite w Si yon kontribyab te viktim vòl idantite, yo kapab pran aksyon pou pwoteje enfòmasyon enpo yo. Plis enfòmasyon: Piblikasyon 4524, Konsyantizasyon sekirite pou kontribyab yo (an anglè) PDF Gid kontribyab pou vòl idantite Rekonèt magouy enpo ak fwòd Abòne nan Konsèy enpo IRS (an anglè)
