Konsèy Fiskal IRS 2023-43, 3 avril 2023 IRS fè efò pou sèvi tout kontribyab yo, kèlkeswa kote yo abite, orijin yo oswa lang yo pale. Pou ede atenn objektif sa a, IRS la tradui enfòmasyon fiskal yo epi li bay kontribyab yo èd nan anpil lang ki popilè. IRS.gov gen enfòmasyon fiskal nan sèt (7) lang. Kontribyab yo kapab tou senpleman chwazi lang yo pi pito an nan meni ki anlè nan tèt paj la. Pou kounye a ou ka chwazi: Panyòl Chinwa Tradisyonèl Chinwa Senplifye Koreyen Ris Vyetnamyen Kreyòl Ayisyen Paj Lang (an anglè) IRS la ofri konsèy ak enfòmasyon fiskal nan plis lang toujou. Pou chak lang, li gen enfòmasyon sou sijè tankou: Deklarasyon Dwa Kontribyab la Ranpli enfòmasyon pou patikilye ak biznis yo Opsyon pèman yo Ranbousman yo Kòman Pou Jwenn Èd Fiskal Sèvis Entèpretasyon yo Si kontribyab yo pa ka jwenn repons pou kesyon fiskal yo sou IRS.gov, IRS ofri èd nan plis pase 350 lang atravè sipò entèprèt pwofesyonèl yo. Pou asistans nan lang panyòl, kontribyab yo ta dwe rele 800-829-1040. Pou tout lòt lang, kontribyab yo ta dwe rele 833-553-9895. Asistan IRS yo pral kapab: Ofri yon entèprèt nan telefòn. Pran yon randevou pou kontribyab la nan youn nan Sant Asistans lokal IRS (an anglè) la pou kontribyab la pou li ka jwenn èd fas a fas. Biwo lokal yo bay asistans sèlman sou sijè espesifik. Lòt resous pou lang Piblikasyon 17 IRS la, Enpo sou Revni Federal Ou (an anglè) disponib nan sèt lang. Chèn YouTube IRS la ki gen plizyè lang lan(an anglè) , gen videyo nan senk lang diferan nan moman an. Dènye nouvèl ak enfòmasyon fiskal yo disponib nan sèt lang pou tout moun sou kont Twitter@IRSnews. Mizajou fiskal ak Nouvèl ki Soti nan paj IRS la ki gen ladan dènye mizajou sezon deklarasyon an ak dènye enfòmasyon sou pousantaj to mileyaj yo, ajisteman enflasyon ak plis ankò, disponib nan sèt (7) lang.
