IR-2024-33, 6 Fevriye 2024 WASHINGTON — Nan yon efò pou bay plis resous pou kontribiyab yo pandan sezon ranpli sa a, jodi a Sèvis Revni Entèn nan revize kesyon yo poze souvan (FAQ) konsènan Fòm 1099-K, Kat Peman ak Tranzaksyon Rezo Tyès Pati, nan Fèy Enfòmasyon 2024-03 PDF. FAQ revize yo bay plis enfòmasyon jeneral pou kontribyab yo, sa enkli sitiyasyon komen yo, ansanm ak plis klète pou endistri ak òganizasyon yo ta dwe bay Fòm 1099-K. FAQ sa plis enfòmasyon anplis de mizajou Konprann Fòm 1099-K ou a ki sou paj IRS.gov ak lòt resous kominikasyon. Apre fidbak kontribyab yo, pwofesyonèl enpo yo ak pwosesè peman yo epi pou redwi konfizyon kontribyab yo, IRS te anonse 21 Novanm 2023, nan Avi 2023-74 (an anglè), l ap retade nouvo limit rapò $600 Fòm 1099-K pou antite tyès pati ki jere tranzaksyon yo pou ane sivil 2023 a. Pandan IRS ap kontinye travay pou aplike nouvo lwa a, ajans la ap trete 2023 kòm yon ane tranzisyon adisyonèl, ki aplike pou enpo ki depoze ane sa a. Kòm rezilta, rapò a pa pral obligatwa sof si kontribyab la resevwa plis pase $20 000 epi li gen plis pase 200 tranzaksyon an 2023, byenke kontribyab yo ka toujou resevwa yon fòm pou kantite lajan ki pi piti pase kantite lajan yo dwe rapòte a. Mizajou nan FAQ yo genyen gwo chanjman nan chak seksyon: Enfòmasyon jeneral Kisa pou w fè si w resevwa yon fòm 1099-K Sitiyasyon komen yo Tyès Pati ki ranpli fòm 1099-K Èske Òganizasyon mwen an ta dwe prepare, ranpli ak distribye Fòm 1099-K? Gen plis enfòmasyon sou depandans kontribyab yo sou konsèy ki pibliye nan Bilten Revni Entèn ak FAQ yo disponib. IRS-FAQ
