Konsèy Enpo IRS 2024-61, 26 jen 2024 IRS.gov gen enfòmasyon viktim katastwòf yo ka bezwen, tankou enfòmasyon sou pwolongasyon tan pou ranpli ak soulajman enpo pou ka katastwòf. Paj web IRS.gov Paj Web IRS.gov yo gen enfòmasyon konsènan soulajman pou katastwòf ki gen rapò ak enpo: Nouvèl IRS yo atravè nasyon an (an anglè): Nouvèl konsènan sekou pou katastwòf ak dispozisyon enpo ki afekte sèten eta. Soulajman enpo nan sitiyasyon katastwòf yo: Lyen pou resous ki mennen moun nan enfòmasyon ki pral ede yo apre yon dezas. Li gen lyen tou ak nouvèl lokal yo ak kesyon yo poze souvan. Kesyon yo poze souvan pou viktim katastwòf yo (an anglè): Repons pou kesyon viktim yo ka genyen. Chak paj mete aksan sou yon sijè espesifik pou ede moun yo apre yon katastwòf. Dosye pou rekonstwi apre yon katastwòf natirèl oswa yon pèt aksidan (an anglè): Èd pou moun ki bezwen rekonstwi dosye finansye yo apre yon katastwòf. Sa a ka esansyèl pou byen dokimante yon pèt dediktib sou enpo, sipòte divès tranzaksyon ki gen rapò ak enpo oswa jwenn asistans federal oswa ranbousman asirans. Piblikasyon yo Piblikasyon IRS sa yo ka ede kontribyab yo tou: Piblikasyon 3067, Asistans IRS pou Katastwòf – Katastwòf yo Deklare Federalman (an anglè) PDF bay enfòmasyon pou moun ak biznis ki afekte nan yon katastwòf yo deklae federalman. Li kouvri tou asistans ki disponib pou viktim katastwòf yo. Piblikasyon 584, Kaye pou kalkile Pèt Aksidan, Katastwòf ak Vòl (an anglè) ede kontribyab endividyèl yo kalkile pèt yo sou pwopriyete itilizasyon pèsonèl nan ka yon dezas, aksidan oswa vòl. Piblikasyon 584-B, Kaye pou kalkile Pèt Aksidan Biznis, katastwòf ak Vòl (an anglè) ede biznis yo kalkile pèt yo sou biznis ak pwopriyete ki kon bay revni si yo ta gen yon dezas, aksidan oswa vòl. Piblikasyon 547, Aksidan, katastwòf, ak Vòl (an anglè) eksplike tretman enpo sou aksidan, vòl ak pèt sou depo yo. Plis enfomasyon: DisasterAssistance.gov (an anglè) Ready.gov (an anglè) Abòne nan konsèy enpo IRS (an anglè)
