Konsèy Fiskal IRS 2023-67, 15 Me 2023 Moun k ap viv nan zòn ke Ajans Federal pou Jesyon Ijans lan deklare zòn katastwòf yo ka benefisye alèjman fiskal. Pou konnen si yon zòn ka benefisye yon sekou federal pou katastwòf, kontribyab yo ta dwe tcheke DisasterAssistance.gov (an anglè). Chache enfòmasyon sou asistans pou katastwòf nan men IRS la Gen enfòmasyon ajou ki disponib nan resous IRS sa yo: Asistans nan Katastwòf ak Èd an Ijans pou Patikilye yo ak Biznis yo (an anglè). Enfòmasyon ak resous pou moun ak biznis yo ki afekte nan yon katastwòf. Kont Twitter IRS (an anglè). Lyen ak enfòmasyon ajou IRS la sou alèjman fiskal pou lè gen katastwòf. Liy ijans IRS la pou si gen katastwòf se 866-562-5227. Kontribyab yo ka rele pou jwenn enfòmasyon sou katastwòf yo. Kontribyab ki afekte yo gen plis tan pou deklare ak peye Si kontribyab yo abite nan yon adrès nan yon zòn ki kalifye pou alèjman fiskal IRS pou katastwòf yo, yo benefisye otomatikman de tan siplemantè nan men IRS la pou fè deklarasyon epi peye enpo yo. Dediksyon enpo pou pèt nan aksidan Si moun yo te gen byen ki domaje oswa pèdi akòz yon katastwòf ki te deklare federalman, yo ka kalifye pou reklame yon dediksyon pou pèt nan aksidan epi jwenn yon ranbousman ki pi gwo. Yo ka reklame sa nan deklarasyon enpo yo pou ane sa a oswa ane anvan an. Rekonstwi dosye ki pèdi yo gras ak yon relve deklarasyon enpo Si moun yo pèdi dosye fiskal yo, yo ka mande yon relve deklarasyon enpo ak yon kopi deklarasyon enpo yo nan men IRS la. Kontribyab yo ka jwenn relve deklarasyon enpo anliy oswa mande pou yon livrezon pa lapòs avèk Resevwa Transkripsyon. Kontribyab yo kapab ranpli tou Fòm 4506-T, Demann pou yon Relve Deklarasyon Enpo (an anglè). Pou jwenn yon kopi yon deklarasyon enpo, kontribyab yo ka ranpli Fòm 4506, Demann pou kopi Deklarasyon Enpo (an anglè). IRS la anile frè yo epi akselere demann sa yo pou moun ki bezwen aplike pou avantaj ki gen rapò ak katastwòf oswa ki bezwen ranpli fòm deklarasyon amande pou reklame pèt ki gen rapò ak katastwòf yo. Pou akselere pwosesis la, kontribyab ki ranpli Fòm 4506-T oswa 4506 ta dwe: Ekri sou fòm nan ke demann lan gen rapò ak katastwòf. Ekri ki kalite katastwòf ak nan eta kote li te fèt la. Moun ki demenaje yo dwe soumèt yon chanjman nan adrès Apre yon katastwòf, moun ka bezwen demenaje tanporèman. Moun ki demenaje dwe avèti IRS la de nouvo adrès (an anglè) yo a lè yo soumèt Fòm 8822, Chanjman Adrès (an anglè). Prè ak sibvansyon Administrasyon Ti Biznis lan akòde yo Administrasyon Ti Biznis la ofri èd pou katastwòf (an anglè) pou pwopriyetè biznis, pwopriyetè kay ak lokatè nan yon zòn katastwòf yo te deklare federalman. Pou kalifye pou yon prè oswa yon sibvansyon SBA, kontribyab yo dwe ranpli tout deklarasyon enpo obligatwa yo. Plis enfòmasyon: Kesyon yo Poze Souvan pou viktim katastwòf yo (an anglè) Abòne nan Konsèy Fiskal IRS yo (an anglè)
