ព័ត៌មានអំពីពន្ធដារអាចពិបាកយល់ ទោះជាក្នុងភាសាណាមួយក៏ដោយ។ វាអាចកាន់តែពិបាក ប្រសិនបើព័ត៌មានមិនបានផ្តល់ជាភាសាដែលអ្នកចង់បាន។ យើងកំពុងធ្វើការដើម្បីផ្តល់ជូនធនធានពន្ធដាររបស់យើងក្នុងភាសាបន្ថែមទៀត។ ក្នុងពេលជាមួយគ្នានេះ យើងបានបង្កើតសេចក្តីណែនាំនេះដើម្បីជួយអ្នករកឃើញព័ត៌មានដែលអ្នកត្រូវការ ដើម្បីបង់ពន្ធ និងដាក់ឯកសារប្រកាសពន្ធសហព័ន្ធរបស់អ្នក។ បណ្តាញតភ្ជាប់ភាគច្រើននៅលើទំព័រនេះ ចូលទៅកាន់មាតិកាជាភាសាអង់គ្លេស។ នៅលើទំព័រនេះ អ្នកនឹងឃើញព័ត៌មានអំពីប្រធានបទទាំងនេះ៖ សិទ្ធិរបស់អ្នកជាអ្នកបង់ពន្ធ អ្នកណាចាំបាច់ត្រូវការដាក់ឯកសារប្រកាសពន្ធ បង់ពន្ធរបស់អ្នកនៅពេលអ្នករកបានប្រាក់ចំណូលរបស់អ្នក ការដាក់ឯកសារប្រកាសពន្ធសម្រាប់អ្នក និងក្រុមគ្រួសាររបស់អ្នក ការដាក់ឯកសារប្រកាសពន្ធសម្រាប់អាជីវកម្មរបស់អ្នក រកជំនួយរៀបចំដាក់ឯកសារប្រកាសពន្ធរបស់អ្នក ប្រាក់បង្វិលសងវិញ ជម្រើសការបង់ប្រាក់ ទទួលបានជំនួយជាមួយ IRS ព័ត៌មានអំពីពន្ធរបស់អ្នក ចម្លើយចំពោះសំណួរអំពីពន្ធរបស់អ្នក សេវាកម្មបកប្រែភាសា សិទ្ធិរបស់អ្នកជាអ្នកបង់ពន្ធ អ្នកបង់ពន្ធគ្រប់រូប មានសិទ្ធិជាមូលដ្ឋានដែលពួកគេគួរតែដឹងនៅពេលទាក់ទងជាមួយ IRS។ ដើម្បីជួយអ្នកបង់ប្រាស្រ័យទាក់ទងជាមួយ IRS ឱ្យបានយល់ដឹងអំពីសិទ្ធិរបស់ពួកគេ ទីភ្នាក់ងារគូសបញ្ជាក់អំពីសិទ្ធិទាំងនេះនៅក្នុង ការបោះពុម្ពផ្សាយលេខ១ សិទ្ធិរបស់អ្នកជាអ្នកបង់ពន្ធ PDF។ អ្នកណាចាំបាច់ត្រូវការដាក់ឯកសារប្រកាសពន្ធ ពលរដ្ឋសហរដ្ឋអាមេរិក និងប្រជាជនភាគច្រើនដែលធ្វើការនៅសហរដ្ឋអាមេរិក ចាំបាច់ត្រូវការបង់ពន្ធលើប្រាក់ចំណូលដែលពួកគេរកបានពីលើចំនួនទឹកប្រាក់អប្បបរមាដែលបានកំណត់។ ទោះបីជាអ្នករកបានតិចជាងចំនួនទឹកប្រាក់អប្បបរមាក៏ដោយ អ្នកប្រហែលជាចង់ដាក់ឯកសារពន្ធរបស់អ្នក។ ដើម្បីឱ្យបានដឹងថាតើអ្នកគួរដាក់ឯកសារប្រកាសពន្ធរបស់អ្នកឬក៏អត់ សូមមើលតើខ្ញុំចាំបាច់ត្រូវដាក់ឯកសារប្រកាសពន្ធពន្ធឬទេ (ជាភាសាអង់គ្លេស)។ និយោជិតដែលទទួលបានសំណុំបែបបទ Form W-2 ប្រសិនបើអ្នករកបានបៀវត្សរ៍ដែលធ្វើការសម្រាប់អាជីវកម្ម និយោជករបស់អ្នកគួរតែផ្តល់ឱ្យអ្នកនូវសំណុំបែបបទ Form W-2 បៀវត្សរ៍ និងរបាយការណ៍ពន្ធ ដែលបង្ហាញពីប្រាក់ចំណូល និងពន្ធកាត់ទុកសរុបរបស់អ្នក។ ប្រសិនបើអ្នកទទួលបានសំណុំបែបបទ Form W-2 អ្នកប្រហែលជាចង់ដាក់ឯកសារប្រកាសពន្ធ ពីព្រោះនិយោជករបស់អ្នកបានបង់ពន្ធសម្រាប់អ្នក ហើយអ្នកអាចជំពាក់ពន្ធតិចជាងចំនួនដែលអ្នកបានបង់។ កម្មករធ្វើការក្រោមកុងត្រារយៈពេលខ្លី (Gig Economy Workers) កម្មករធ្វើការក្រោមកុងត្រារយៈពេលខ្លី ទទួលបានប្រាក់ចំណូលពីការងារ សេវាកម្ម ឬទំនិញតាមតម្រូវការ ជាញឹកញាប់តាមរយៈប្រព័ន្ធឌីជីថល ដូចជាកម្មវិធី app ឬវ៉ិបសៃថ៍។ អ្នកត្រូវតែបង់ពន្ធលើប្រាក់ចំណូលដែលអ្នករកបានពីការងារប្រភេទនេះ។ មជ្ឈមណ្ឌលពន្ធដារកម្មករធ្វើការក្រោមកុងត្រារយៈពេលខ្លី (Gig Economy Tax Center) (ជាភាសាអង់គ្លេស) នឹងផ្តល់ជូនអ្នកនូវព័ត៌មានដែលអ្នកចាំបាច់ត្រូវការដើម្បីអនុលោមតាមច្បាប់ពន្ធដារ។ អ្នកប្រកបអាជីវកម្មដោយខ្លួនឯង អ្នកជាអ្នកប្រកបអាជីវកម្មដោយខ្លួនឯង (ជាភាសាអង់គ្លេស) ប្រសិនបើមានចំណុចដូចខាងក្រោមនេះណាមួយអនុវត្តចំពោះអ្នក៖ អ្នកប្រកបមុខរបរ ឬអាជីវកម្មក្នុងនាមជាពាណិជ្ជករទោល ឬអ្នកម៉ៅការឯករាជ្យ អ្នកគឺជាសមាជិកនៃក្រុមហ៊ុនអ្នកដៃគូហ៊ុនគ្នា ដែលប្រកបមុខរបរ ឬអាជីវកម្ម អ្នកកំពុងប្រកបអាជីវកម្មដោយខ្លួនឯង (រួមទាំងអាជីវកម្មក្រៅម៉ោង) ប្រសិនបើអ្នកជាអ្នកប្រកបអាជីវកម្មដោយខ្លួនឯង អ្នកចាំបាច់ត្រូវបង់ពន្ធលើប្រាក់ចំណូល ដូច្នេះជាទូទៅ អ្នកត្រូវបានតម្រូវឱ្យដាក់ឯកសារប្រកាសពន្ធប្រចាំឆ្នាំ ហើយបង់ពន្ធប៉ាន់ស្មាន (ជាភាសាអង់គ្លេស) រៀងរាល់ត្រីមាស។ ជាទូទៅផងដែរ អ្នកក៏ត្រូវបង់ ពន្ធអ្នកប្រកបអាជីវកម្មដោយខ្លួនឯង (ជាភាសាអង់គ្លេស)។ នេះគឺជាពន្ធសន្តិសុខសង្គម និងពន្ធ Medicare ជាចម្បងសម្រាប់មនុស្សដែលធ្វើការដោយខ្លួនឯង។ ការបង់ពន្ធអ្នកប្រកបអាជីវកម្មដោយខ្លួនឯងរបស់អ្នក រួមចំណែកដល់ការធានារ៉ាប់រងរបស់អ្នកក្រោមប្រព័ន្ធសន្តិសុខសង្គម។ ការធានារ៉ាប់រងសន្តិសុខសង្គម ផ្តល់ជូនអ្នកនូវប្រាក់បំណាច់ការចូលនិវត្តន៍ ប្រាក់បំណាច់ពិការភាព ប្រាក់បំណាច់អ្នករស់រានមានជីវិត និងប្រាក់បំណាច់ធានារ៉ាប់រងវេជ្ជសាស្រ្ត (Medicare)។ ម្ចាស់អាជីវកម្ម មជ្ឍមណ្ឌលពន្ធដារអាជីវកម្មខ្នាតតូច និងអ្នកប្រកបអាជីវកម្មដោយខ្លួនឯង (ជាភាសាអង់គ្លេស) របស់យើងផ្តល់ជូនព័ត៌មានអំពីពន្ធដារសម្រាប់អ្នកបង់ពន្ធដែលដាក់សំណុំបែបបទ Form 1040 ឬ1040 SR , Schedules C, E, F ឬទម្រង់បែបបទ Form 2106 ក៏ដូចជាអាជីវកម្មខ្នាតតូចដែលមានទ្រព្យសម្បត្តិក្រោម១០លានដុល្លារដែរ។ បង់ពន្ធរបស់អ្នក នៅពេលអ្នករកបានប្រាក់ចំណូលរបស់អ្នក ពន្ធលើប្រាក់ចំណូលសហព័ន្ធត្រូវតែបង់នៅពេលដែលអ្នករកបាន ឬទទួលបានប្រាក់ចំណូលក្នុងឆ្នាំ ទាំងតាមរយៈ ការបង់ពន្ធកាត់ទុក (ជាភាសាអង់គ្លេស)ឬ ការបង់ពន្ធប៉ាន់ស្មាន(ជាភាសាអង់គ្លេស)។ ប្រសិនបើអ្នកមិនបង់ពន្ធឱ្យបានគ្រប់គ្រាន់តាមរយៈ ការបង់ពន្ធកាត់ទុក ឬការបង់ពន្ធប៉ាន់ស្មានទេ អ្នកអាចនឹងត្រូវផាកពិន័យ។ ពន្ធកាត់ទុក ប្រសិនបើអ្នកជានិយោជិត និយោជិករបស់អ្នកប្រហែលជាកាត់ទុកពន្ធលើប្រាក់ចំណូល ចេញបៀវត្សរ៍របស់អ្នក ហើយបង់វាទៅ IRS ក្នុងនាមអ្នក។ ចំនួនពន្ធដែលនិយោជករបស់អ្នកកាត់ទុកពីបៀវត្សរ៍ទៀងទាត់របស់អ្នក អាស្រ័យលើ៖ ចំនួនទឹកប្រាក់ដែលអ្នករកបាន ព័ត៌មានដែលអ្នកផ្តល់ឱ្យនិយោជករបស់អ្នកនៅលើសំណុំបែបបទ Form W-4 លិខិតបញ្ជាក់ការកាត់ទុកពន្ធរបស់និយោជិក សូមប្រើ ឧបករណ៍ប៉ាន់ស្មានពន្ធកាត់ទុក (ជាភាសាអង់គ្លេស) របស់យើង ដើម្បីពិនិត្យមើលការកាត់ទុកពន្ធរបស់អ្នក ហើយត្រូវប្រាកដថាអ្នកមានចំនួនពន្ធកាត់ទុកគ្រប់គ្រាន់ដើម្បីគ្របដណ្តប់លើវិក្កយបត្រពន្ធរបស់អ្នក។ ពន្ធប៉ាន់ស្មាន ប្រសិនបើអ្នកកំពុងប្រកបអាជីវកម្មដោយខ្លួនឯង ជាទូទៅអ្នកចាំបាច់ត្រូវបង់ពន្ធប៉ាន់ស្មាន។ អ្នកក៏ប្រហែលជាចាំបាច់ត្រូវបង់ពន្ធដែលបានប៉ាន់ស្មានផងដែរ ប្រសិនបើអ្នករំពឹងថានឹងជំពាក់ពន្ធចំនួន១,០០០ដុល្លារ ឬច្រើនជាងនេះ នៅពេលអ្នកដាក់ឯកសារប្រកាសពន្ធ។ ការនេះអាចកើតឡើងប្រសិនបើអ្នកជាម្ចាស់កម្មសិទ្ធិទោល ឬជាដៃគូអាជីវកម្ម ឬអ្នកជា កម្មករធ្វើការក្រោមកុងត្រារយៈពេលខ្លី។ អ្នកអាចត្រូវផាកពិន័យ ប្រសិនបើការបង់ពន្ធបានប៉ាន់ស្មានរបស់អ្នកយឺត ទោះបីជាអ្នកនឹងទទួលបានប្រាក់បង្វិលសងវិញ នៅពេលអ្នកដាក់ឯកសារប្រកាសពន្ធរបស់អ្នកក៏ដោយ។ ការដាក់ឯកសារប្រកាសពន្ធសម្រាប់អ្នក និងក្រុមគ្រួសាររបស់អ្នក ទទួលព័ត៌មានអំពីរបៀប ដាក់ឯកសារប្រកាសពន្ធផ្ទាល់ខ្លួន (ជាភាសាអង់គ្លេស) សម្រាប់អ្នក និងក្រុមគ្រួសាររបស់អ្នក។ ពេលណាត្រូវដាក់ឯកសារប្រកាសពន្ធ កាលបរិច្ឆេទផុតកំណត់នៃការដាក់ឯកសារ និងការបង់ពន្ធសម្រាប់បុគ្គល និងក្រុមគ្រួសារ ជាទូទៅគឺថ្ងៃទី១៥ ខែមេសា។ សូមមើលទំព័ររបស់យើងអំពី ពេលណាត្រូវដាក់ឯកសារប្រកាសពន្ធ (ជាភាសាអង់គ្លេស) សម្រាប់ព័ត៌មានអំពីការលើកលែង និងកាលបរិច្ឆេទកំណត់ការពន្យាពេលដាក់ឯកសារប្រកាសពន្ធ។ ព័ត៌មានដែលអ្នកចាំបាច់ត្រូវដាក់ក្នុងឯកសារប្រកាសពន្ធ លេខអត្តសញ្ញាណកម្មអ្នកបង់ពន្ធ លេខអត្តសញ្ញាណកម្មអ្នកបង់ពន្ធ ត្រូវបានតម្រូវលើរាល់ឯកសារទាំងអស់ដែលទាក់ទងនឹងពន្ធរបស់អ្នក។ លេខអត្តសញ្ញាណកម្មអ្នកបង់ពន្ធភាគច្រើន គឺលេខសន្តិសុខសង្គម។ ប្រសិនបើអ្នកមិនមានសិទ្ធិទទួលបានលេខសន្តិសុខសង្គមទេ អ្នកត្រូវតែប្រើ លេខអត្តសញ្ញាណកម្មអ្នកបង់ពន្ធបុគ្គល (ជាភាសាអង់គ្លេស)ឬ ITIN។ ត្រូវបានចេញឱ្យសម្រាប់តែការដាក់ឯកសារប្រកាសពន្ធសហព័ន្ធ និងការធ្វើរបាយការណ៍ពន្ធសហព័ន្ធប៉ុណ្ណោះ។ ITIN មិន៖ ផ្តល់សិទ្ធិឱ្យអ្នកធ្វើការនៅ U.S។ ធ្វើឱ្យអ្នកមានសិទ្ធិទទួលបានប្រាក់បំណាច់សន្តិសុខសង្គម ធ្វើឱ្យអ្នកមានលក្ខណៈគ្រប់គ្រាន់សម្រាប់ឥណទានពន្ធប្រាក់ចំណូលដែលរកបាន (ជាភាសាអង់គ្លេស) របៀបដាក់ឯកសារប្រកាសពន្ធ ការដាក់ឯកសារប្រកាសពន្ធតាមបែបអេឡិចត្រូនិច ការដាក់ឯកសារប្រកាសពន្ធតាមបែបអេឡិចត្រូនិច – ឬ e-filing – គឺពេលណាអ្នកប្រើកម្មវិធីកុំព្យូទ័រពាណិជ្ជកម្មរៀបចំពន្ធ ដើម្បីផ្ញើឯកសារប្រកាសពន្ធលើប្រាក់ចំណូលរបស់អ្នកទៅ IRS តាមរយៈអ៊ីនធើណិត។ ប្រសិនបើអ្នកដាក់ឯកសារប្រកាសពន្ធរបស់អ្នកតាមរយៈ e-file តាមធម្មតាអ្នកនឹងទទួលបានប្រាក់បង្វិលសងវិញរបស់អ្នកក្នុងរយៈពេល៣សប្តាហ៍ គិតចាប់ពីថ្ងៃដែលយើងទទួលបានការដាក់ឯកសារប្រកាសពន្ធរបស់អ្នក - ហើយវាកាន់តែលឿនជាងនេះ ប្រសិនបើអ្នកជ្រើសរើសទទួលប្រាក់បង្វិលសងវិញរបស់អ្នកដាក់ចូលក្នុងគណនីធនាគាររបស់អ្នក។ យើងមាន ជម្រើស e-file (ជាភាសាអង់គ្លេស)ជាច្រើន រួមមានឯកសារឥតគិតថ្លៃ (Free File)។ ឯកសារឥតគិតថ្លៃ ជាមួយនឹងឯកសារឥតគិតថ្លៃ (ជាភាសាអង់គ្លេស)អ្នកអាចរៀបចំ និងដាក់ឯកសារប្រកាសពន្ធលើប្រាក់ចំណូលសហព័ន្ធរបស់អ្នកដោយឥតគិតថ្លៃ ដោយប្រើកម្មវិធីកុំព្យូទ័ររៀបចំ និងដាក់ឯកសារប្រកាសពន្ធ។ អ្នកបង់ពន្ធពិសេស យោធា និងអតីតយុទ្ធជន សមាជិក និងអតីតយុទ្ធជននៃកងកម្លាំងប្រដាប់អាវុធសហរដ្ឋអាមេរិក មានស្ថានភាព និងប្រាក់បំណាច់ពន្ធពិសេស -រួមមាន សិទ្ឋិចូលប្រើប្រាស់ MilTax ជាកម្មវិធីមួយដែលផ្តល់ជូនជាទូទៅដោយឥតគិតថ្លៃសម្រាប់ការរៀបចំ និងដាក់ឯកសារប្រកាសពន្ធ។ យើងផ្តល់ជូន ព័ត៌មានអំពីពន្ធដារសម្រាប់សមាជិកយោធា (ជាភាសាអង់គ្លេស) ដើម្បីជួយអ្នកឱ្យបានយល់ដឹងអំពីរបៀបដែលបទប្បញ្ញត្តិទាំងនោះប៉ះពាល់ដល់អ្នក និងពន្ធរបស់អ្នក មិនថាអ្នកជាយុទ្ធជនសកម្ម យុទ្ធជនបម្រុង ឬអតីតយុទ្ធជននោះទេ។ អ្នកបង់ពន្ធអន្តរជាតិ កាតព្វកិច្ចពន្ធរបស់អ្នកក្នុងនាមជា អ្នកបង់ពន្ធបុគ្គលអន្តរជាតិ អាស្រ័យថាតើអ្នកជាពលរដ្ឋសហរដ្ឋអាមេរិក ជនបរទេសដែលតាំងលំនៅជាអចិន្ត្រៃយ៍ (ជាភាសាអង់គ្លេស)ឬ ជនបរទេសដែលមិនតាំងលំនៅជាអចិន្ត្រៃយ៍។ (ជាភាសាអង់គ្លេស) ប្រសិនបើអ្នកជាពលរដ្ឋសហរដ្ឋអាមេរិក ជនបរទេសដែលតាំងលំនៅជាអចិន្ត្រៃយ៍ ប្រាក់ចំណូលទូទាំងពិភពលោករបស់អ្នកស្ថិតនៅក្រោម ពន្ធលើប្រាក់ចំណូលសហរដ្ឋអាមេរិក ដោយមិនគិតពីកន្លែងដែលអ្នករស់នៅឡើយ។ ជនបរទេសដែលមិនតាំងលំនៅជាអចិន្ត្រៃយ៍ ត្រូវបង់ពន្ធតែលើប្រាក់ចំណូលរបស់ពួកគេពីប្រភពនានាដែលរកបាននៅក្នុងសហរដ្ឋអាមេរិកប៉ុណ្ណោះ និងលើប្រាក់ចំណូលជាក់លាក់ដែលជាប់ទាក់ទងនឹងការប្រកបមុខរបរ ឬអាជីវកម្មនៅក្នុងសហរដ្ឋអាមេរិក។ ការដាក់ឯកសារប្រកាសពន្ធសម្រាប់អាជីវកម្មរបស់អ្នក ព័ត៌មានដែលអ្នកចាំបាច់ត្រូវដាក់ក្នុងឯកសារប្រកាសពន្ធ លេខអត្តសញ្ញាណកម្មអ្នកបង់ពន្ធ អាជីវកម្មភាគច្រើន - និងរាល់និយោជិកទាំងអស់ - ចាំបាច់ត្រូវការ លេខអត្តសញ្ញាណកម្មនិយោជិក (ជាភាសាអង់គ្លេស) ឬ EIN ដើម្បីដាក់ឯកសារប្រកាសពន្ធ។ អ្នកអាច ដាក់ពាក្យសុំ EIN (ជាភាសាអង់គ្លេស) តាមអ៊ីនធើណិត ហើយទទួលបានលេខរបស់អ្នកភ្លាមៗ។ ពន្ធអាជីវកម្ម រចនាសម្ព័ននៃអាជីវកម្មរបស់អ្នក (ជាភាសាអង់គ្លេស) កំណត់ពីពន្ធអាជីវកម្ម (ជាភាសាអង់គ្លេស)ដែលអ្នកត្រូវបង់ និងរបៀបដែលអ្នកបង់។ សូមចងចាំថា អ្នកត្រូវតែបង់ពន្ធលើប្រាក់ចំណូលរបស់អ្នកដោយធ្វើការបង់ ពន្ធបានប៉ាន់ស្មាន (ជាភាសាអង់គ្លេស) ទៀងទាត់ក្នុងអំឡុងឆ្នាំជាប់ពន្ធ។ ពន្ធលើប្រាក់ចំណូលអាជីវកម្ម រាល់អាជីវកម្មទាំងអស់ លើកលែងតែក្រុមហ៊ុនអ្នកដៃគូហ៊ុនគ្នា ត្រូវដាក់ឯកសារប្រកាសពន្ធលើប្រាក់ចំណូលប្រចាំឆ្នាំ។ ក្រុមហ៊ុនអ្នកដៃគូហ៊ុនគ្នា ដាក់ព័ត៌មានប្រកាសពន្ធ។ សំណុំបែបបទមួយណាដែលអ្នកប្រើ អាស្រ័យលើរបៀបរៀបចំអាជីវកម្មរបស់អ្នក។ សូមយោងទៅ រចនាសម្ព័ន្ធអាជីវកម្ម (ជាភាសាអង់គ្លេស) ដើម្បីឱ្យបានដឹងថាតើសំណុំបែបបទមួយណាដែលអ្នកត្រូវដាក់ ដែលអាស្រ័យលើអង្គភាពអាជីវកម្មដែលអ្នកបានបង្កើត។ ពន្ធលើការងារ ប្រសិនបើអ្នកមាននិយោជិត អ្នកនឹងត្រូវបង់ ពន្ធលើការងារ (ជាភាសាអង់គ្លេស)។ ពន្ធលើការងារ រួមមាន៖ ពន្ធសន្តិសុខ និងពន្ធ Medicare ពន្ធកាត់ទុកលើប្រាក់ចំណូលសហព័ន្ធ ពន្ធឥតការងារធ្វើសហព័ន្ធ ពន្ធអាករ អ្នកប្រហែលជាត្រូវបង់ ពន្ធអាករ (ជាភាសាអង់គ្លេស) ប្រសិនបើអាជីវកម្មរបស់អ្នក៖ ផលិត ឬលក់ផលិតផលជាក់លាក់ ប្រតិបត្តិការអាជីវកម្មប្រភេទជាក់លាក់ ប្រើប្រភេទគ្រឿងប្រដាប់ គ្រឿងបរិក្ខារ ឬផលិតផលផ្សេងៗគ្នាជាច្រើន ទទួលបានប្រាក់សម្រាប់សេវាកម្មជាក់លាក់ អាជីវកម្មអន្តរជាតិ អាជីវកម្មបរទេសដែលមានសកម្មភាពនៅសហរដ្ឋអាមេរិក ឬអាជីវកម្មក្នុងប្រទេសដែលមានសកម្មភាពនៅខាងក្រៅសហរដ្ឋអាមេរិក ត្រូវតែបំពេញតាមតម្រូវការជាក់លាក់សម្រាប់ អាជីវកម្មអន្តរជាតិ (ជាភាសាអង់គ្លេស)។ រកជំនួយរៀបចំដាក់ឯកសារប្រកាសពន្ធរបស់អ្នក ជំនួយពន្ធឥតគិតថ្លៃសម្រាប់អ្នកបង់ពន្ធដែលមានគុណសម្បត្តិគ្រប់គ្រាន់ ជំនួយពន្ធឥតគិតថ្លៃអាចរកបានដោយផ្ទាល់ជាង១០,០០០កន្លែងពេញទូទាំងប្រទេសតាមរយៈកម្មវិធីអ្នកស្ម័គ្រចិត្តរៀបចំពន្ធដែលបានបញ្ជាក់ជាផ្លូវការដោយ IRS (ជាភាសាអង់គ្លេសnb)របស់យើង។ អ្នកក៏អាចទទួលបានជំនួយតាមអនឡាញដែរ តាមរយៈ ឯកសារឥតគិតថ្លៃ IRS (ជាភាសាអង់គ្លេស)។ ជំនួយរៀបចំពន្ធលើប្រាក់ចំណូលដោយអ្នកស្ម័គ្រចិត្ត កម្មវិធីជំនួយរៀបចំពន្ធលើប្រាក់ចំណូលដោយអ្នកស្ម័គ្រចិត្ត (VITA) ផ្តល់ជូនរៀបចំឯកសារប្រកាសពន្ធលើប្រាក់ចំណូលដោយឥតគិតថ្លៃ ដើម្បីជួយដល់អ្នកដែលមាន៖ ប្រាក់ចំណូលទាប ទៅមធ្យម ពិការភាព ជំនាញភាសាអង់គ្លេសមានកម្រិត ការប្រឹក្សាពន្ធសម្រាប់មនុស្សចាស់ កម្មវិធីប្រឹក្សាពន្ធសម្រាប់មនុស្សចាស់ (TCE) ផ្តល់ជូនជំនួយពន្ធឥតគិតថ្លៃសម្រាប់អ្នកបង់ពន្ធទាំងអស់ ជាពិសេសអស់អ្នកដែលមានអាយុ៦០ឆ្នាំឡើងទៅ។ TCE មានជំនាញទាក់ទងនឹងសំណួរទាំងឡាយអំពីបញ្ហាទាក់ទងនឹងប្រាក់សោធន និងប្រាក់ចូលនិវត្តន៍ ពិសេសចំពោះមនុស្សវ័យចំណាស់។ ជួលអ្នកវិជ្ជាជីវៈផ្នែកពន្ធដារ ប្រសិនបើអ្នកត្រូវការនរណាម្នាក់ដើម្បីរៀបចំឯកសារប្រកាសពន្ធរបស់អ្នក អ្នកក៏អាច ជ្រើសរើសអ្នកវិជ្ជាជីវៈផ្នែកពន្ធដារមួយរូប (ជាភាសាអង់គ្លេស)ផងដែរ។ នេះគឺជាការសម្រេចចិត្តដ៏សំខាន់។ អ្នកជឿជាក់លើអ្នកវិជ្ជាជីវៈផ្នែកពន្ធដាររបស់អ្នក ជាមួយនឹងព័ត៌មានផ្ទាល់ខ្លួនបំផុតរបស់អ្នក។ ពួកគេដឹងអំពីអាពាហ៍ពិពាហ៍របស់អ្នក ប្រាក់ចំណូលរបស់អ្នក កូនៗរបស់អ្នក លេខសន្តិសុខសង្គមរបស់អ្នក និងព័ត៌មានលម្អិតនៃជីវិតហិរញ្ញវត្ថុរបស់អ្នក។ ជូនអ្នកវិជ្ជាជីវៈផ្នែកពន្ធដារភាគច្រើន ផ្តល់សេវាកម្មដ៏ល្អប្រសើរ។ ប៉ុន្តែវាអាចទៅរួចក្នុងការជ្រើសរើសមនុស្សខុសដើម្បីរៀបចំ ឯកសារប្រកាសពន្ធរបស់អ្នក។ត្រូវប្រាកដថាពិនិត្យមើលដំបូន្មានសម្រាប់ការជ្រើសរើសអ្នករៀបចំឯកសារប្រកាសពន្ធ (ជាភាសាអង់គ្លេស)របស់យើង។ ប្រាក់បង្វិលសងវិញ ការដាក់បញ្ចូលប្រាក់ដោយផ្ទាល់ ប្រសិនបើអ្នកនឹងទទួលបានប្រាក់បង្វិលសងវិញពីប្រាក់ដែលអ្នកបានបង់សម្រាប់ពន្ធរបស់អ្នក ចូរជ្រើសរើស ការដាក់បញ្ចូលប្រាក់ដោយផ្ទាល់ (ជាភាសាអង់គ្លេស)នៅពេលអ្នកដាក់ឯកសារប្រកាសពន្ធ។ វាជាវិធីលឿនបំផុតដើម្បីទទួលបានពន្ធប្រាក់បង្វិលសងវិញរបស់អ្នក។ វាឥតគិតថ្លៃ ហើយវាមានសុវត្ថិភាព។ អ្នកអាចដាក់បញ្ចូលប្រាក់បង្វិលសងវិញដោយផ្ទាល់ ទៅក្នុងគណនីធនាគាររហូតដល់បី។ នៅពេលអ្នកប្រើការដាក់បញ្ចូលប្រាក់ដោយផ្ទាល់ វាពុំមានហានិភ័យនៃការលួច ឬបាត់បត់មូលប្បទានប័ត្រក្រដាសរបស់អ្នកឡើយ។ តាមដានប្រាក់បង្វិលសងវិញរបស់អ្នក តើប្រាក់បង្វិលសងវិញរបស់ខ្ញុំនៅឯណា? (ជាភាសាអង់គ្លេស)គឺជាឧបករណ៍តាមអ៊ីនធើណិតដែលនឹងតាមដានប្រាក់ពន្ធបង្វិលសងវិញរបស់អ្នក។ ដើម្បីប្រើឧបករណ៍នេះ អ្នកនឹងចាំបាច់ត្រូវការលេខសន្តិសុខសង្គមរបស់អ្នក ឬ ITIN ស្ថានភាពការដាក់ឯកសាររប្រកាសពន្ធរបស់អ្នក និងចំនួនទឹកប្រាក់ពិតប្រាកដនៃប្រាក់បង្វិលសងវិញរបស់អ្នក យើងចេញជូនប្រាក់បង្វិលសងវិញភាគច្រើនក្នុងរយៈពេលតិចជាង២១ថ្ងៃ។ អ្នកគួរតែទូរស័ព្ទមកយើងប៉ុណ្ណោះ ប្រសិនបើ៖ អ្នកបានដាក់ឯកសារប្រកាសពន្ធរបស់អ្នកតាមរយៈ e-file លើសពី២១ថ្ងៃកន្លងមក អ្នកបានផ្ញើឯកសារប្រកាសពន្ធមកវិញ លើសពី៦សប្តាហ៍កន្លងមក ឧបករណ៍ តើប្រាក់បង្វិលសងវិញរបស់ខ្ញុំនៅឯណា? ប្រាប់អ្នកឱ្យទាក់ទងមក IRS ជម្រើសការបង់ប្រាក់ អ្នកអាចបង់ពន្ធរបស់អ្នកតាមអ៊ីនធើណិត តាមទូរស័ព្ទ ឬជាមួយឧបករណ៍ចល័តរបស់អ្នកដោយប្រើកម្មវិធីIRS2Go app (ជាភាសាអង់គ្លេស)។ សូមបើកចូលទំព័រ ការបង់ប្រាក់ (ជាភាសាអង់គ្លេស)របស់យើង ដើម្បីស្វែងយល់បន្ថែម។ ទទួលបានជំនួយជាមួយ IRS ការឆបោកពន្ធ អ្នកឆបោកព្យាយាមយកលុយ ឬព័ត៌មានផ្ទាល់ខ្លួនរបស់អ្នក។ សូមប្រុងប្រយ័ត្ន ហើយ ចៀសវាងជាប់ការបញ្ឆោតពីការឆបោកពន្ធ (ជាភាសាអង់គ្លេស)។ IRS នឹងមិនដែល៖ ទាក់ទងមកអ្នកតាមអ៊ីម៉េល សារ ឬប្រព័ន្ធផ្សព្វផ្សាយសង្គមដើម្បីស្នើសុំព័ត៌មានផ្ទាល់ខ្លួន ឬហិរញ្ញវត្ថុរបស់អ្នក។ ទូរស័ព្ទដើម្បីទាមទារការបង់ប្រាក់ភ្លាមៗ។ ជាទូទៅ IRS នឹងផ្ញើវិក្កយប័ត្រមកអ្នកជាមុន ប្រសិនបើអ្នកជំពាក់ពន្ធ។ ទាមទារឱ្យអ្នកប្រើវិធីបង់ប្រាក់ជាក់លាក់ ដូចជាប័ណ្ណឥណពន្ធបង់ប្រាក់ជាមុន ប័ណ្ណអំណោយ ឬការផ្ទេរប្រាក់តាមអ៊ីនធើណិត។ គំរាមកំហែងដើម្បីនាំប៉ូលីស ឬអ្នកអនុវត្តច្បាប់ឯទៀតចាប់ខ្លួនអ្នកពីបទមិនបានបង់ប្រាក់។ គំរាមកំហែងដកហូតប័ណ្ណបើកបរ ប័ណ្ណអាជីវកម្ម ឬស្ថានភាពអន្តោប្រវេសន៍របស់អ្នក។ ការគំរាមកំហែងបែបនេះ គឺជាវិធីសាស្រ្តសាមញ្ញដែលអ្នកឆបោកប្រើដើម្បីបញ្ឆោតជនរងគ្រោះ។ ទាមទារឱ្យអ្នកបង់ប្រាក់ ដោយមិនផ្តល់ឱកាសឱ្យអ្នកសាកសួរ ឬប្តឹងតវ៉ាពីចំនួនទឹកប្រាក់ដែលអ្នកជំពាក់។ ទូរស័ព្ទទៅប្រាប់អ្នក ថាអ្នកកំពុងទទួលបានប្រាក់ពន្ធបង្វិលសងវិញ ដែលអ្នកមិនរំពឹង។ ការលួចអត្តសញ្ញាណ ការលួចអត្តសញ្ញាណទាក់ទងនឹងពន្ធ កើតឡើងនៅពេលដែលនរណាម្នាក់លួចយកព័ត៌មានផ្ទាល់ខ្លួនរបស់អ្នក - ដូចជាលេខសន្តិសុខសង្គមរបស់អ្នក ឬ ITIN ដើម្បីដាក់ឯកសារប្រកាសពន្ធ និងទាមទារប្រាក់បង្វិលសងវិញដែលក្លែងបន្លំ។ ដឹងពី សញ្ញានៃការលួចអត្តសញ្ញាណ (ជាភាសាអង់គ្លេស) ហើយចាត់វិធានការជាបន្ទាន់ប្រសិនបើអ្នកជាជនរងគ្រោះ ដើម្បីការពារទិន្នន័យ និងអត្តសញ្ញាណរបស់អ្នក។ ជំនួយសង្គ្រោះគ្រោះមហន្តរាយ នៅពេលមានគ្រោះមហន្តរាយដែលប្រកាសដោយសហព័ន្ធ យើងផ្តល់ ជំនួយគ្រោះមហន្តរាយ និងជំនួយសង្គ្រោះបន្ទាន់ (ជាភាសាអង់គ្លេស) ដើម្បីជួយបុគ្គល និងអាជីវកម្មរកប្រាក់ចំណូលបានមកវិញ។ យើងក៏ផ្តល់ជូនដំបូន្មានផងដែរអំពីវិធី ត្រៀមសម្រាប់គ្រោះមហន្តរាយ (ជាភាសាអង់គ្លេស) ដើម្បីឱ្យអ្នកអាចការពារខ្លួនអ្នក គ្រួសារបស់អ្នក និងអាជីវកម្មរបស់អ្នក។ សេវាកម្មគាំទ្រអ្នកបង់ពន្ធ សេវាកម្មគាំទ្រអ្នកបង់ពន្ធ (TAS) គឺជាអង្គការ ឯករាជ្យមួយមាននៅក្នុង IRS ដែលជួយអ្នកបង់ពន្ធ និងការពារសិទ្ធិរបស់អ្នកបង់ពន្ធ។ T AS ផ្តល់ជំនួយជូនអ្នក ប្រសិនបើ៖ បញ្ហាពន្ធរបស់អ្នកកំពុងបង្កការលំបាកផ្នែកហិរញ្ញវត្ថុ អ្នកបានព្យាយាម ហើយមិនអាចដោះស្រាយបញ្ហារបស់អ្នកជាមួយ IRS ឬ អ្នកជឿថាប្រព័ន្ធ ដំណើរការ ឬនីតិវិធីរបស់ IRS មិនដំណើរការដូចដែលវាគួរធ្វើនោះទេ។ ប្រសិនបើអ្នកមានគុណសម្បត្តិគ្រប់គ្រាន់សម្រាប់ជំនួយ TAS ឥតគិតថ្លៃជានិច្ច ពួកគេនឹងធ្វើអ្វីគ្រប់យ៉ាងដែលអាចធ្វើបាន ដើម្បីជួយអ្នក។ សូមចូលមើល សេវាកម្មគាំទ្រអ្នកបង់ពន្ធ (ជាភាសាអង់គ្លេស)តាមអនឡាញ ឬហៅលេខ 877-777-4778។ គ្លីនិកអ្នកបង់ពន្ធដែលមានប្រាក់ចំណូលទាប គ្លីនិកអ្នកបង់ពន្ធដែលមានប្រាក់ចំណូលទាប (LITCs) គឺ ឯករាជ្យ ពី IRS និង TAS។ LITCs តំណាងឱ្យបុគ្គលដែលមានប្រាក់ចំណូលទាបជាងកម្រិតជាក់លាក់ ហើយដែលពួកគេត្រូវការដោះស្រាយបញ្ហាពន្ធជាមួយ IRS។ LITCs អាចតំណាងឱ្យអ្នកបង់ពន្ធ ក្នុងរឿង៖ សវនកម្ម បណ្តឹងតវ៉ា និង វិវាទក្នុងការប្រមូលពន្ធមុន IRS និងនៅក្នុងតុលាការ។ ប្រសិនបើភាសាអង់គ្លេសគឺជាភាសាទីពីររបស់អ្នក LITCs អាចផ្តល់ព័ត៌មានអំពីសិទ្ធិ និងការទទួលខុសត្រូវរបស់អ្នកបង់ពន្ធ ជាភាសាផ្សេងៗគ្នា។ សេវាកម្មរបស់ LITCs ត្រូវបានផ្តល់ជូនដោយឥតគិតថ្លៃ ឬក្នុងតម្លៃតិចតួច។ សម្រាប់ព័ត៌មានបន្ថែម ឬដើម្បីស្វែង LITC ដែលនៅជិតអ្នក សូមចូលមើលគ្លីនិកអ្នកបង់ពន្ធដែលមានប្រាក់ចំណូលទាប (ជាភាសាអង់គ្លេស) ឬទាញយក ការបោះពុម្ពផ្សាយ IRS 4134 បញ្ជីឈ្មោះគ្លីនិកអ្នកបង់ពន្ធដែលមានប្រាក់ចំណូលទាប (ជាភាសាអង់គ្លេស) PDF។ អ្នកក៏អាចទទួលបានច្បាប់ចម្លងនៃការបោះពុម្ពផ្សាយនេះផងដែរ ដោយទូរស័ព្ទទៅ IRS លេខឥតគិតថ្លៃ 800-829-3676។ ព័ត៌មានអំពីពន្ធរបស់អ្នក ពិនិត្យគណនីពន្ធរបស់អ្នក គណនី IRS (ជាភាសាអង់គ្លេស) របស់អ្នក ផ្តល់ឱ្យអ្នកនូវលទ្ឋភាពទទួលបានព័ត៌មានអំពីគណនីពន្ធសហព័ន្ធរបស់អ្នក។ ប្រើគណនីរបស់អ្នកដើម្បីចូលមើលកំណត់ត្រាពន្ធរបស់អ្នកតាមអ៊ីនធើណិត ពិនិត្យមើលប្រវត្តិនៃការបង់ប្រាក់របស់អ្នក និងមើលព័ត៌មានពីការប្រកាសពន្ធឆ្នាំបច្ចុប្បន្ន ដែលអ្នកបានដាក់កាលពីដើមដំបូង។ ទទួលបានប្រតិចារិកពន្ធរបស់អ្នក ប្រសិនបើអ្នកត្រូវការច្បាប់ចម្លងនៃព័ត៌មានអំពីការប្រកាសពន្ធច្បាប់ដើមរបស់អ្នក សូមប្រើ ទទួលប្រតិចារិក (ជាភាសាអង់គ្លេស)។ ប្រតិចារិករបស់អ្នក បង្ហាញពីជួរព័ត៌មានភាគច្រើនចេញពីការប្រកាសពន្ធរបស់អ្នក។ ប្រសិនបើអ្នកត្រូវការ AGI របស់អ្នក - ឬកែតម្រូវប្រាក់ចំណូលមុនបង់ពន្ធ - ដើម្បីបញ្ជាក់ពីអត្តសញ្ញាណរបស់អ្នកដល់ IRS អ្នកអាចរកឃើញវានៅលើប្រតិចារិករបស់អ្នក។ ចម្លើយចំពោះសំណួរអំពីពន្ធរបស់អ្នក ប្រធានបទអំពីពន្ធដារ យើងរក្សាបញ្ជី ប្រធានបទអំពីពន្ធដារ (ជាភាសាអង់គ្លេស) ដែលផ្តល់ព័ត៌មានអំពីពន្ធដារទូទៅសម្រាប់អាជីវកម្ម និងបុគ្គល។ ប្រធានបទអំពីពន្ធដារ មានជាភាសា អេស្ប៉ាញ, ចិន (កន្តាំង) កូរ៉េ រុស្ស៊ី និង, វៀតណាម។ ជំនួយការពន្ធអន្តរកម្ម ជំនួយការពន្ធអន្តរកម្ម (ជាភាសាអង់គ្លេស) របស់យើង គឺជាឧបករណ៍តាមអនឡាញដែលនឹងឆ្លើយសំណួរច្បាប់ពន្ធដាររបស់អ្នក។ វាគ្របដណ្តប់លើប្រធានបទជាច្រើន រួមមាន៖ តើប្រាក់ចំណូលអ្វីខ្លះដែលត្រូវបង់ពន្ធ ថាតើអ្នកមានគុណសម្បត្តិគ្រប់គ្រាន់សម្រាប់ឥណទានពន្ធជាក់លាក់ដែរឬទេ របៀបកំណត់ស្ថានភាពការដាក់ឯកសាររបស់អ្នក តើនរណាដែលអ្នកអាចទាមទារថាជាមនុស្សនៅក្នុងបន្ទុក នៅលើឯកសារប្រកាសពន្ធរបស់អ្នក ជំនួយការឥណទានពន្ធលើប្រាក់ចំណូលដែលរកបាន ប្រសិនបើអ្នកបានធ្វើការកាលពីឆ្នាំមុន ក៏ប៉ុន្តែទទួលបានប្រាក់ចំណូលទាប ឬមធ្យម អ្នកអាចមានសិទ្ធិទទួលបាន ឥណទានពន្ធលើប្រាក់ចំណូលដែលរកបាន (EITC) (ជាភាសាអង់គ្លេស)។ ជាមួយនឹងឥណទានពន្ធនេះ អ្នកនៅតែអាចទទួលបានប្រាក់បង្វិលសងវិញ ទោះបីជាអ្នកមិនជំពាក់ពន្ធណាមួយក៏ដោយ។ ប្រើ ឧបករណ៍ជំនួយការ EITC (ជាភាសាអង់គ្លេស) ដើម្បីមើលថាតើអ្នកមានគុណសម្បត្តិគ្រប់គ្រាន់ដែរឬទេ។ សេវាកម្មបកប្រែភាសា ប្រសិនបើអ្នកមិនអាចរកឃើញចម្លើយចំពោះសំណួរពន្ធរបស់អ្នកនៅលើ IRS.gov នោះយើងខ្ញុំអាចផ្តល់ជំនួយដល់អ្នកច្រើនជាង 350 ភាសា ដោយមានការគាំទ្រពីអ្នកបកប្រែភាសាដែលមានវិជ្ជាជីវៈ។ សម្រាប់ជំនួយជាភាសាអេស៉្បាញ សូមហៅទៅលេខ 800-829-1040 ។ សម្រាប់ភាសាផ្សេងទៀត សូមហៅទៅលេខ 833-553-9895 ។ អ្នកនឹងជួបអ្នកជំនួយសេវាប្រាក់បំណូលផ្ទៃក្នុង (IRS) ម្នាក់ដែលអាច៖ ផ្តល់ជូនអ្នកបកប្រែភាសាតាមទូរស័ព្ទ ឬ រៀបចំការណាត់ជួបសម្រាប់អ្នកនៅឯ មជ្ឍមណ្ឌលជំនួយអ្នកបង់ពន្ធ (សម្រាប់ភាសាអង់គ្លេស)ក្នុងតំបន់របស់យើងណាមួយ ដើម្បីឱ្យអ្នកអាចទទួលបានជំនួយទល់មុខគ្នា។ សូមកត់ចំណាំថា ការិយាល័យក្នុងតំបន់របស់យើងផ្តល់ជំនួយតែលើ ប្រធានបទជាក់លាក់ (សម្រាប់ភាសាអង់គ្លេស)ប៉ុណ្ណោះ។
